تعليقات علي موضوع (اسعار السيارات الجديدة)

الاخ العزيز بايو جهد مشكور ولى اقتراح بسيط

وهو انك تعمل ملف اكسيل يكون نوع السياره فيه حقل عادى بدل ما تخلى الرساله طويله نتيجه اضافه صوره تدل على ماركه السياره
ده مش بس حيخلى الرساله اقصر لا وكمان حيخلى التعديل اسهل عليك ان شاء الله

وياريت فى مرحله تانيه يبقى فيه مكان على الموقع فيه الاسعار بطريقه حرفيه زى كونتاكت كده وممكن تعملوا شويه دعايه للموقع عن طريق اجتذاب رعاه وليكونوا من المصنعين المحليين يحطوا بعض الاعلانات ومعلومات فنيه دقيقه ووافيه عن منتجاتهم واسعار قطع الغيار والمصنعيات وممكن يحجزوا مواعيد الصيانه عن طريق الموقع والاعضاء بتوع الموقع ياخدوا خصم عند عمل الصيانه عندهم

يعنى دى شويه افكار باقترحها وربنا يجعل الخير للجميع

مجهود جبار الحقيقة يا بايو
شكــــــــــــــــــــرا

طبعا انا بشكرك جدا يابايو على هذا الجهد الكبير
وربنا يجعلة فى ميزان حسناتك ان شاء الله

اشكرك جدا على تعبك، انا كنت فى يوم محتاج جدا ليها و اظن كل واحد عايز يشترى عربية ، بس مش عارف اذا كان ممكن تبقى بشكل تانى يعنى بحيث كل واحد يقدر يقول الاسعار اللى هو عارفها، انا مثلا لسة سأل على البيكانتو (2007) امبارح و ده كان اللى الرد (من نصير EIT)
بيكانتو هاف ابوشن (كاسيت + تكييف + باور) - 59000
بيكانتو فول ابوشن 64000

الف شكر على هذا المجهود المفيد يا باشمهندس هانى وبالمناسبة انا شفت اللانسر سبورت فى كونتاكت اليوم ب 110000 وانا ناوى اجيبها ان شاء الله هذا الشهر بس خايف من توافر قطع الغيار بعد نزول الشكل الجديد لأنى حاسس ان الشكل الجديد مش تغيير فى الشكل بس لكن يمكن كمان فى التكنولوجى فياترى اية رأيكم (الشكل الجديد حيبقى اغلى وانا ميزانيتى لحد 115000 )
وشكرا جزيلا لأهتمامكم
اخوكم
اسامة عبد العزيز :roll:

مجهود رائع في كل صفحات المنتدى الجميل
و لكن لي تعقيب بسيط ان سعر الشيري QQواحد في الاتنين مع اختلاف السعه اللتريه و اختلاف الاوبشن ان دي مانويل و دي اوتوماتيك فهل الكلام دة صحيح؟؟؟

التعقيب الاخر ان سعر السيارة الشيري A15 ستاندرد كانت ب 60.900 و دلوقتي تقريبا غليت بقت ب 61.900 حتى انا استغرب من السعر ال 61.900 دة فقولت اكيد غليت و الفول اوبشن بتعتها بتزيد 6 الالف جنيه يعني لو العاديه ب 60.900 يبقا الكامله ب 66.900 و لو كانت العاديه ب 61.900 يبقا الكامله ب 67.900

و الف شكر على المجهود الرائع المبذول

تسلم ايدك

مجهود جبار من انسان رائع

:shock: :shock: :shock: :shock: :shock: :shock: :shock: :shock: :shock: :shock: :shock: :shock: :shock: :shock: :shock: :shock: :shock: :shock: :shock:


حرااام :( :( :cry: :cry:

اقتباس:

---

المشاركة الأصلية كتبت بواسطة noon_eg

الاخ العزيز بايو جهد مشكور ولى اقتراح بسيط

وهو انك تعمل ملف اكسيل يكون نوع السياره فيه حقل عادى بدل ما تخلى الرساله طويله نتيجه اضافه صوره تدل على ماركه السياره
ده مش بس حيخلى الرساله اقصر لا وكمان حيخلى التعديل اسهل عليك ان شاء الله

وياريت فى مرحله تانيه يبقى فيه مكان على الموقع فيه الاسعار بطريقه حرفيه زى كونتاكت كده وممكن تعملوا شويه دعايه للموقع عن طريق اجتذاب رعاه وليكونوا من المصنعين المحليين يحطوا بعض الاعلانات ومعلومات فنيه دقيقه ووافيه عن منتجاتهم واسعار قطع الغيار والمصنعيات وممكن يحجزوا مواعيد الصيانه عن طريق الموقع والاعضاء بتوع الموقع ياخدوا خصم عند عمل الصيانه عندهم

يعنى دى شويه افكار باقترحها وربنا يجعل الخير للجميع

---

نحن من يشكرك على أهتمامك بالتعليق والثناء على ما نقوم به

ونأسف لكون البيانات غير معروضه بشكل جيد ولكن سوف نتدارك الأمر بعد تجميع كل ما نستطيع من بيانات إن شاء الله

ونعدك بأن تكون أقتراحاتك محل النقاش وان نحاول أن نلبي طلباتكم قدر ما نستطيع

اقتباس:

---

المشاركة الأصلية كتبت بواسطة aamerbebo

مجهود جبار الحقيقة يا بايو
شكــــــــــــــــــــرا

---

لا شكر على واجب يا آمر فأنت أحد الأشخاص الذين يقومون بخدمة الناس فلذلك أنت تعلم جيدا كم السعاده التي يشعر بها الفرد منا حين يقوم بعمل شيء ولو قليل يفيد به الأعضاء والناس جميعا

اقتباس:

---

المشاركة الأصلية كتبت بواسطة alaaaboelata

طبعا انا بشكرك جدا يابايو على هذا الجهد الكبير
وربنا يجعلة فى ميزان حسناتك ان شاء الله

---

شكرا يا أ/ علاء أبو العطا وهذا هو هدف Nile Motors

اقتباس:

---

المشاركة الأصلية كتبت بواسطة Mina W

اشكرك جدا على تعبك، انا كنت فى يوم محتاج جدا ليها و اظن كل واحد عايز يشترى عربية ، بس مش عارف اذا كان ممكن تبقى بشكل تانى يعنى بحيث كل واحد يقدر يقول الاسعار اللى هو عارفها، انا مثلا لسة سأل على البيكانتو (2007) امبارح و ده كان اللى الرد (من نصير EIT)
بيكانتو هاف ابوشن (كاسيت + تكييف + باور) - 59000
بيكانتو فول ابوشن 64000

---

نشكرك على أهتمامك وتعليقك وسوف يأخذ في الأعتبار بعد ذلك التحديث أول بأول إن شاء الله

العضــــو العزيز هانى بايـــو مشكور على إثراء نايل موتورز بهذه المواضيع لكن : :arrow:

إذا سمحت حاول ترد على الناس فى موضوع واحد مش تعمل رد لكل رد و الكلام ده لكل الناس عشان محدش يزعل لما مداخلته تتمسح
المقصور متردش أكثر من رد ورا بعض لكن لو فيه فواصل من ردور الآخرين طبعا حقك ترد كذا رد :idea:

اقتباس:

---

المشاركة الأصلية كتبت بواسطة memo_hefnawy

العضــــو العزيز هانى بايـــو مشكور على إثراء نايل موتورز بهذه المواضيع لكن : :arrow:

إذا سمحت حاول ترد على الناس فى موضوع واحد مش تعمل رد لكل رد و الكلام ده لكل الناس عشان محدش يزعل لما مداخلته تتمسح
المقصور متردش أكثر من رد ورا بعض لكن لو فيه فواصل من ردور الآخرين طبعا حقك ترد كذا رد :idea:

---

أسف على هذا الخطأ

لم أرى التنبيه سوى الأن فقط

علم وسينفذ

كود:

---

اسامة عبد العزيز جابر كتب:
الف شكر على هذا المجهود المفيد يا باشمهندس هانى وبالمناسبة انا شفت اللانسر سبورت فى كونتاكت اليوم ب 110000 وانا ناوى اجيبها ان شاء الله هذا الشهر بس خايف من توافر قطع الغيار بعد نزول الشكل الجديد لأنى حاسس ان الشكل الجديد مش تغيير فى الشكل بس لكن يمكن كمان فى التكنولوجى فياترى اية رأيكم (الشكل الجديد حيبقى اغلى وانا ميزانيتى لحد 115000 )
وشكرا جزيلا لأهتمامكم
اخوكم
اسامة عبد العزيز

---

نحن من نشكرك على أهتمامك

وبالنسبه لمناقشة أمر "اللانسر" فالأفضل أن تتوجه إلى ساحة "الميتسوبيشي" لكي يتم إفادتك إفاده أكبر

==================================

كود:

---

ابو سيف كتب:
مجهود رائع في كل صفحات المنتدى الجميل
و لكن لي تعقيب بسيط ان سعر الشيري QQواحد في الاتنين مع اختلاف السعه اللتريه و اختلاف الاوبشن ان دي مانويل و دي اوتوماتيك فهل الكلام دة صحيح؟؟؟

---

من حوالي 5 شهور كان سعر المانيوال 1000cc أرخص من الأوتوماتيك 800cc بحوالي 2500جنيه ولكنهم الأن قد قاموا بتعديل الأسعار
وسوف يتم متابعة الأمر معهم لمعرفة التفاصيل

كود:

---

كود:
التعقيب الاخر ان سعر السيارة الشيري A15 ستاندرد كانت ب 60.900 و دلوقتي تقريبا غليت بقت ب 61.900 حتى انا استغرب من السعر ال 61.900 دة فقولت اكيد غليت و الفول اوبشن بتعتها بتزيد 6 الالف جنيه يعني لو العاديه ب 60.900 يبقا الكامله ب 66.900 و لو كانت العاديه ب 61.900 يبقا الكامله ب 67.900

---

بعد أن يكتمل الموضوع ويكون عندنا قاعدة بيانات كامله سوف يتم التحديث أول بأول

كود:

---

كود:
و الف شكر على المجهود الرائع المبذول

---

نحن من نشكرك
===================================

انا عندى فكرة
ايه رأيكم يتم تكليف كل عضو بمتابعة اخبار توكيل سيارات او توكيلين, من حيث اخر الاخبار, اسعار السيارات, العروض, اخبار الموديلات الجديدة, و ان امكن اى خدمات ممكن تقدم لاعضاء Nile Motors زى ما بايو بدأ بالفعل مع وكيل اسبرانزا

يعنى العضو اللى يبقى مكلف بوكيل يبقى ليه صلة بيه, يعنى مثلا يملك سيارة من عندهم, يعرف حد هناك, الخ...
و بكده نخفف الضغط شوية عن بايو باشا جزاه الله عنا خير الجزاء, و الكل يبقى مشترك فى تقديم خدماته لباقى الاعضاء.

يبقى نوع من تفعيل المشاركة, و زيادة الاحساس عند الاعضاء بان ده بيتهم, و بماشاركتهم و اسهاماتهم بس المكان هيكبر و يزدهر

ايه رأيكم؟

ألف شكر ليك بس الاسعار دي بالنسبه لأي معرض ولا لسعر التوكيل لأني سألت عن الصني العاده جميع الكماليات في المصريه قالوا لي 90 وسمعت انها في التوكيل ب88 وانتوا كاتبين 91

اقتباس:

---

انا عندى فكرة
ايه رأيكم يتم تكليف كل عضو بمتابعة اخبار توكيل سيارات او توكيلين, من حيث اخر الاخبار, اسعار السيارات, العروض, اخبار الموديلات الجديدة, و ان امكن اى خدمات ممكن تقدم لاعضاء Nile Motors زى ما بايو بدأ بالفعل مع وكيل اسبرانزا

يعنى العضو اللى يبقى مكلف بوكيل يبقى ليه صلة بيه, يعنى مثلا يملك سيارة من عندهم, يعرف حد هناك, الخ...
و بكده نخفف الضغط شوية عن بايو باشا جزاه الله عنا خير الجزاء, و الكل يبقى مشترك فى تقديم خدماته لباقى الاعضاء.

يبقى نوع من تفعيل المشاركة, و زيادة الاحساس عند الاعضاء بان ده بيتهم, و بماشاركتهم و اسهاماتهم بس المكان هيكبر و يزدهر

ايه رأيكم؟

---

فكرة هايلة وهاعتقد ان الناس كلها هنا مش هتمانع وانا اولهم

ممطن يا بسمهندش بايو ترتب المركات حسب الحروف الابجدية أفضل او حتى حسب دولة الصنع
وشكراً على المجهود العظيم ده
بس عندى سؤال هو الاسعار دى من التوكيل ولا منين؟

فكرة جميلة جدا يا معاذ
و ممكن يبقى المشرف على منتدى سيارات ( مثلا ميتسوبيشى ) هو من يتابع اسعارها و اخبارها و توكيلها

بصراحو يابايووووو انا بشكرك جدا جدا على الموضوع الجامد دة
والله العظيم جهد جبار وعمل عظيم
ربنا يوفقك
شكرا

أخي هاني,

جزاك الله خيراً و أرجو عمل Sorting بماركة السيارة بدلاً من سعة المحرك.

متشكر جدا يا أستاذ علاء

ومتشكر لكل الناس إللي شكروني

بس عاوز أقول أن ده شغل الموقع مش شغللي أنا (يعني ماينفعش أنسب الفضل لي وحدي)

اقتباس:

---

المشاركة الأصلية كتبت بواسطة Mohsens

أخي هاني,

جزاك الله خيراً و أرجو عمل Sorting بماركة السيارة بدلاً من سعة المحرك.

---

إن شاء الله قريب جدا هاتلاقي البحث كما يفضل الباحث بنفسه ولن يفرض عليه ترتيب معين

بحيث يتاح للمطلع على الأسعار العرض بالطريقه التي يحبها وكما يحلو له فإذا كان يريد البحث بالماركه أو بالصناعه أو بالسعة اللتريه أو بالسعر

أمال فين الهوند سيفك مستر بايووو ؟
شكرا

اقتباس:

---

إن شاء الله قريب جدا هاتلاقي البحث كما يفضل الباحث بنفسه ولن يفرض عليه ترتيب معين

بحيث يتاح للمطلع على الأسعار العرض بالطريقه التي يحبها وكما يحلو له فإذا كان يريد البحث بالماركه أو بالصناعه أو بالسعة اللتريه أو بالسعر

---

فكرة ممتازة, و شكراً لكم جميعاً علي المجهودات الفعالة والقيمة.

الف الف شكر

فعلا قاعدة بيانات ممتازة تسمح لمن يفكر بالشراء فى عمل مقارانات لكل سيارة حسب السعة و الاضافات

تسلم ايديك يا بايو

:D :D :D

بصراحة بعد تلك الردود و الاقتراحات لا ادرى ماذا اقول
و لكن لى ملاحظات صغيرة اووووووووووووووووووى

*الصفحة طويله اووووووووووووووووى
* لا يوجد شئ يشير الى على اى اساس تم الترتيب
* لا يوجد تاريخ اخر تحديث للصفحه
* تصميم الصفحة بصراحة مش اد كده
و ان كان كل هذا لا يقلل من الجهد الواضح المبذول فيها
----------------
عذرا فنحن شعب منتقد دائما :x :x
عيناه تبحث عن كل "بس"
الموجوده بعد كل كلمة

حلوه """"""""بــــــــــس"""""""""""""" """ :D :D

فين سعر ال128 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و الادا 2107 و شكرا على المجهود الرائع

i think the spark is now for 54990 not 59,990

thanks

مجود جبار اكسد
شكرا جدا جدا جدا

وليا اقتراح ان الاسعار تتحط بطريقة البحث يعنى زى كونتكت كدا
وجزاكم الله خيرا

المهم هو تفاصيل الكماليات (التجهيزات) الخاصة بكل سعر وبذلك تكون الخدمة كاملة وللقائمين عليها كل الشكر

هي فعلا هاتبقى فكره جيده
major by company origin (countries by names) and minor inside is the companies by names